काठमाडौं । ईंग्लिश प्रीमियर लिग फुटबलमा आर्सनल र लिभरपुलले बराबरी खेलेका छन् ।
गएराति भएको खेलमा दुबै टोलिले २-२ गोलको बराबरी खेल्दै अङ्क बाँडेका हुन् । घरेलु मैदान इमिरेट्समा खेलको नवौं मिनेटमा बुकायो साकाको गोलबाट आर्सनलले सुरुवाती अग्रता बनाएको थियो ।
१८ औं मिनेटमामा भान डाइकले गोल गर्दै लिभरपुललाई १-१ को बराबरीमा ल्याए । ४३ औं मिनेटमा मिकेल मोरिनोको गोल गर्दै आर्सनललाई २-१ ले अघि बढाए ।
यता, ८१ औं मिनेटमा मोहम्मद सलाहले गोल गर्दै लिभरपुलको हार टारेर २-२ गोलको बराबरीमा ल्याए ।
यो नतिजापछि लिभरपुल ९ खेलबाट २२ अङ्कका साथ तालिकाको दोस्रो स्थानमा छ भने आर्सनल १८ अङ्क साथ तेस्रो स्थानमा छ ।
