काठमाडौं । काठमाडौंबाट मनकामना दर्शनका लागि चितवनको कुरिनटार जाँदै गरेको भ्यान धादिङको महादेवबेसी नजिक दुर्घटना भएको छ ।
आज दिउँसो धादिङको थाक्रे गाउँपालिका ६ मा बागमती प्रदेश ०१–०३० च ७६५९ नम्बरको विद्युतीय भ्यान दुर्घटना हुँदा ११ जना घाइते भएका छन् ।
घाइतेहरुमध्ये तीन जनाको अवस्था मध्यम र अन्यको अवस्था सामान्य रहेको प्रहरीले जनाएको छ ।
मनकामना दर्शनका लागि जाँदै गरेको भ्यान अनियन्त्रित भई सडकबाट तल खसेको महादेवबेसीका सहायक हबल्दार दिपक श्रेष्ठले जानकारी दिए ।
घाइतेहरुको उपचार महादेवबेसीकै टाइम्स केयर अस्पतालमा भइरहेको छ ।
