एजेन्सी । न्यूजिल्याण्ड विरुद्धको बैंगलोर टेस्टको पहिलो इनिङ्समा भारतीय टोली ४६ रनमा अलआउट भएको छ ।
यो घरेलु मैदानमा भारतको सबैभन्दा सानो स्कोर हो । सन् १९८७ मा वेस्ट इन्डिजविरुद्धको दिल्ली टेस्टमा टोली ७५ रनमा अलआउट भएको थियो ।
बैंगलोरको एम चिन्नास्वामी स्टेडियममा बिहीबार भएको खेलमा भारतीय कप्तान रोहित शर्माले टस जितेर ब्याटिङ रोजे तर न्यूजिल्याण्डका फास्ट बलरले रोहितको निर्णयलाई गलत साबित गरे ।
स्विङ र बाउन्सी पिचमा भारतीय ब्याट्सम्यानले आफूलाई सम्हाल्न सकेनन् ।
ऋषभ पन्तले सर्वाधिक २० रन बनाए भने यशस्वी जैसवालले मात्र १३ रन बनाउन सके । कप्तान रोहित शर्मा (२ रन) टिम साउथीबाट बोल्ड भए । विराट कोहली, सरफराज खान, केएल राहुल, रविन्द्र जडेजा र रविचन्द्रन आश्विनले खाता पनि खोल्न सकेनन् ।
न्यूजिल्याण्डका म्याट हेनरीले ५ विकेट लिए भने विलियम ओउरकेले ४ विकेट लिए ।
अहिले दोस्रो सत्रको खेन चलिरहेको छ । पहिलो इनिङ्समा न्यूजिल्याण्डको स्कोर ३६/० छ । टम लाथम र डेभन कोनवे क्रिजमा छन् ।
