काठमाडौं । चिनियाँ रेडक्रस सोसाइटीले बाढी पहिरो पीडितलाई १ लाख अमेरिकी डलर सहयोग गरेको छ ।
नेपालका लागि चिनियाँ राजदूत छन् सोङले आज गृहमन्त्री रमेश लेखकलाई उक्त रकम बराबरको चेक हस्तान्तरण गर्नुभयो । प्राकृतिक प्रकोपमा आफन्तजन गुमाएका परिवारप्रति समवेदना व्यक्त गर्दै राजदूत सोङले थप सहयोगका लागि चीन तयार रहेको पनि बताउनुभएको छ ।
चीनले प्राकृतिक विपतका बेला नेपाललाई आर्थिक तथा राहत सामाग्री उपलब्ध गराउँदै आएको छ । गत वर्ष जाजरकोट भूकम्प पीडितलाई राहत सामाग्री लिएर चिनियाँ वायुसेनाका विमानहरु पोखरा विमानस्थलमा अवतरण गरेका थिए ।
चीनले खोज तथा उद्धार कार्यमा पनि प्राविधिक सहयोग पुर्याउँदै आएको छ ।
