काठमाडौं । नेपालका लागि चिनियाँ राजदूत हाउ यान्छीले सत्तारुढ नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डसँग भेटवार्ता गर्नुभएको छ । खुमलटार स्थित दाहालको निबासका सोमबार बिहान भेटवार्ता भएको हो । सत्तारुढ दल भित्र अन्तरबिरोध बढिरहेको र चीन बाट रक्षामन्त्रीको भ्रमण पनि हुन लागिरहेको बेला राजदुत यान्छीले भेटवार्ता गर्नुभएको हो ।
चीनका स्टेट काउन्सिलर तथा रक्षामन्त्री जनरल वेइ फेङहे मंसिर १४ मा नेपाल भ्रमणमा आउने तय भएको छ। यस अघि पनि नेकपा भित्र अन्तरबिरोध हुँदा राजदुत यान्छीले राष्ट्रपति बिद्यादेबी भण्डारी , प्रधानमन्त्री केपी ओली, अध्यक्ष दाहाल बरिष्ठ नेता माधबकुमार नेपाल संग पटकपटक भेटवार्ता गर्नुभएको थियो । आन्तरिक राजनीतिमा चीन सक्रिय भएको भन्दै केही पक्ष बाट आलोचना समेत भएको छ ।
