काठमाडौं । नेपाली सेनाको प्रधान सेनापतिमा रथी अशोकराज सिग्देल नियुक्त हुनु भएको छ ।
हाल नेपाली सेनाको कायममुकायम प्रधान सेनापतिको कार्यभार सम्हाल्दै आउनुभएका सिग्देललाई राष्ट्रपति रामचन्द्र पौडेलले नेपालको संविधानको धारा २६७ को उपधारा (५) बमोजिम नेपाल सरकार मन्त्रिपरिषद्को सिफारिसमा प्रधानसेनापतिमा नियुक्त गर्नुभएको छ ।
राष्ट्रपति कार्यालयका प्रवक्ता शैलजा रेग्मी भट्टराईले एक बिज्ञप्ति जारी गर्दे हाल नेपाली सेनाको कायममुकायम प्रधान सेनापतिको कार्यभार सम्हाल्दै आउनुभएका व्य. नं. १६१४ बलाधिकृत रथी श्री अशोकराज सिग्देलज्यूलाई नेपाली सेनाको प्रधान सेनापति पदमा मिति
२०८१/५/२४ गतेबाट लागू हुने गरी नियुक्ति गर्नुभएको जनाउनु भएको छ ।
