काठमाडौं । भारत बिहारको समस्तीपुरमा नेपाली तीर्थयात्री सवार बस दुर्घटना भएको छ । दुर्घटनामा परि कम्तीमा ३० भन्दा बढी घाइते भएका छन् ।
शनिबार राति ना ७ ख ६४४६ नम्बरको बसलाई पछाडिबाट एक ट्रकले ठक्कर दिएको र अनियन्त्रित भएर पल्टिएको भारतीय सञ्चार माध्यमले जनाएको छ।
भारतीय सञ्चार माध्यमले दुर्घटनामा परी तीन दर्जन यात्री घाइते भएको उल्लेख गरेको छ । उनीहरु जल चढाउनका लागि झारखण्डको देवघर तीर्थका लागि जाँदै गर्दा दुर्घटनामा परेको बताइएको छ ।
घाइतेहरुमध्ये एक किशोरसहित पाँच जनाको अवस्था गम्भीर रहेको छ । घाइतेहरुको मुसरीघरारी अस्पताल र निजी क्लिनिकहरुमा उपचार भइरहेको छ ।
बसलाई ठक्कर दिने ट्रकलाई नियन्त्रणमा लिएर दुर्घटनाबारे अनुसन्धान भइरहेको भारतीय प्रहरीले जनाएको छ ।
