काठमाडौं । चितवनको मुग्लिन–नारायणगढ सडकखण्डमा माथिबाट ढुंगा खसेर लाग्दा यात्रु बस दुर्घटना भएको छ ।
भरतपुर महानगरपालिका २९ सत्रकिलोमा गुडिरहेको बसमाथि ढुंगा खस्दा पल्टिएको हो ।
रौतहटको गौरबाट पोखरा जाँदै गरेको ग २ ख ४७ नम्बरको बसमाथि ढुंगा खस्दा बस अनियन्त्रित भएर सडकमै पल्टिएको मुग्लिन प्रहरी प्रमुख इन्सपेक्टर निरला भण्डारीले जानकारी दिइन् । दुर्घटनामा परी बसमा सवार ११ जना यात्रु घाइते भएका छन् ।
घाइते सबैलाई उपचारका लागि चितवनको भरतपुरमा पठाइएको छ ।
