नयाँ दिल्ली । भारतको उत्तरखन्डस्थित केदारनाथ नजिकै चार नेपाली मजदुरको मृत्यु भएको छ ।
बिहीबार राति परेको अविरल वर्षाका कारण केदारनाथ नजिकै गएको पहिरोमा पुरिएर चार जना मजदुरको मृत्यु भएको हो ।
मृत्यु हुनेमा तुल बहादुर, पूर्ण नेपाली, किशन परियार र चीकु बोहरा रहेका जिल्ला विपद् व्यवस्थापन अधिकृत नन्दनसिंह राजवारले जानकारी दिए । उनले भने, ‘बिहीबार राति करिब १:२० बजे भारी वर्षाका कारण फाटा हेलिप्याड नजिकै पर्ने खाट गडेरे नजिक चारजना पहिरोमा पुरिएको सूचना प्राप्त भएको थियो ।’ सूचना पाएलगत्तै राहत र उद्धार कार्यका लागि उद्धार टोली घटनास्थलमा पठाइएको उनले बताए ।
मुसलधारे वर्षाका कारण घटनास्थलसम्म जेसीबी मेशिन पुर्याउन नसकिएको अवस्थामा एसडीआरएफका जवानहरूले खनेर चार वटै शवलाई निकालेको उनले बताए ।
