काठमाडौं । नेपालमा कोरोना भाइरसको संक्रमणबाट ज्यान गुमाउनेको संख्या १ हजार ६ सय नाघेको छ । पछिल्लो २४ घण्टामा सोमबार संक्रमणबाट थप २० को मृत्यु भएसंगै मृतको संख्या १ हजार ६ सय १४ पुगेको हो ।
स्वास्थ्य तथा जनसंख्या मन्त्रालयले सार्वजनिक गरेको पछिल्लो २४ घण्टाको विवरणअनुसार थप १ हजार १४ जना संक्रमित थपिएका छन्। यीसहित कुल संक्रमित हुनेको संख्या २ लाख ४१ हजार ९९५ पुगेको छ।
त्यस्तै थप १६२८ जना कोरोनाबाट मुक्त भएका छन्। यीसहित हालसम्म २ लाख २७ हजार ४३३ जना कोरोनाबाट निको भएका छन्।
हाल १२ हजार ९४८ जना सक्रिय संक्रमित छन्।
