काठमाडौं । रास्वपा सांसद हरि ढकालले बोल्दै गर्दा सभामुखले रोकेपछि विपक्षी दलले आपत्ति जनाएका छन् ।
मंगलबार बसेको प्रतिनिधिसभाको बैठकमा आकस्मिक समयमा सांसद ढकालले विद्युत महसुलको विषयमा बोल्न थालेपछि सभामुख देवराज घिमिरेले माइक काटेका थिए ।
सभामुखले बोल्न रोकपछि रास्वपा, राप्रपासहित विपक्षी दलको नेताहरूले उठेर विरोध जनाएका हुन् ।
विषय केन्द्रित भएर नबोलेको भन्दै सभामुखले रोकेका थिए। त्यसपछि सभामुख घिमिरेले रास्वपा सभापति रवि लामिछानेलाई बोल्न दुई मिनेटको समय दिएका थिए । उनले सांसद ढकाललाई बोल्न रोकेको प्रति आपत्ति जनाए ।
राप्रपाका अध्यक्ष राजेन्द्र लिङ्देनले पनि सांसदलाई यो बोल्न पाइन्छ त्यो पाइँदैन भन्ने कुरा आफूहरूलाई मान्य नहुने बताए ।
