काठमाडौ । विश्वको सर्वोच्च शिखर सगरमाथाको उचाई ८६ सेन्टीमीटरले बढेको छ । अबदेखि यसको उचाई ८ हजार ८४८ र ८६ सेन्टीमीटर पुगेको हो । नेपाल र चीनको संयुक्त सहमतिमा यो उचाई सार्वजनिक गरिएको हो । जसमा दुवै देशका राज्य प्रमुखले खुशी व्यक्त गरेका थिए ।
यसै सन्दर्भमा चिनियाँ राष्ट्रपति सि चिनफिङले पनि सबै नेपाली नागरिकलाई सन्देश पठाउनुभएको छ । उहाँले दिएको सन्देशमा सगरमाथाको उचाइ दुवै देशको असल र मित्रवत् सम्बन्धको प्रतिकका रुपमा व्यक्त भएको छ । उहाँले विश्वको उच्च शिखर सगरमाथा चीन र नेपाल बीचको सम्बन्धको प्रतिक हो भन्नुभएको छ । उहाँले सगरमाथालाई चीन नेपाल मित्रवत चुचुरोका रुपमा पनि यसलाई व्याख्या गर्नुभएको छ ।
यो नयाँ उचाइले पछिल्ला वर्षहरुमा चीन र नेपालबीचको सम्बन्धको बढ्दो उचाइको पनि संकेत गरेको बताउनुभएको छ । सगरमाथाको नयाँ उचाइ सार्वजनिक गर्न मंगलबार आयोजना गरिएको संयुक्त द्विदेशीय कार्यक्रममा उहाँको सन्देशलाई चीनका विदेशमन्त्री वाङ यीले पढेर सुनाउनुभएको थियो । सो सन्देशमा चिनियाँ राष्ट्रपति सि चिनफिङले चीन सधैँ नेपालमा स्थायित्व, शान्ति र समृद्धिको पक्षमा रहेको धारणा राख्नुभएको छ ।
यसक्रममा उहाँले चीन नेपालसँग हिमालयन पर्यावरणका साथै सगरमाथाको विशेष अनुसन्धानका क्षेत्रमा मिलेर काम गर्न र आपसी सहयोग अभिबृद्धि गर्न चाहेको धारणा पनि राख्नुभएको छ । उहाँले यी दुई देशले पछिल्लो समयमा आपसी तथा संयुक्त प्रयासका बाबजुद पछिल्लो समयमा पारस्पारिक राजनीतिक विश्वासमा पनि बृद्धि हुदै गएकोे पनि बताउनुभएको छ ।
