काठमाडौँ । महिला, बालबालिका तथा ज्येष्ठ नागरिकमन्त्री नवलकिशोर साह सुडीले मानव बेचबिखन तथा ओसारपसारविरुद्धको राष्ट्रिय नीतिको मस्यौदा तयार भएको बताउनुभएको छ ।
सोमवार प्रतिनिधि सभा बैठकमा उहाँले सो जानकारी दिनु भएको हो । मन्त्री साहले महिला तथा बालबालिकाहरुको बेचबिखन तथा ओसारपसार विरुद्धको दश वर्षे नया राष्ट्रिय कार्य योजनाको मस्यौदा पनि तय गरिएको बताउनु भयो । उहाँले मानव बेचबिखन तथा ओसारपसार पीडित, प्रभावितहरुका लागि मनोसामाजिक परामर्श केन्द्र तथा अन्तरक्रिया कार्यक्रम निरन्तर संचालन भईरहेको दावी समेत गर्नुभयो ।
उहाँले भन्नुभयो,‘मानव बेचबिखन तथा ओसारपसार विरुद्धको राष्ट्रिय नीतिको मस्यौदा तयार भएको छ । मानव बेचबिखन विशेष गरी महिला तथा बालबालिकाहरुको बेचबिखन तथा ओसारपसार विरुद्धको दश वर्षे नया राष्ट्रिय कार्य योजनाको मस्यौदा तयार भएको छ । यस मन्त्रालयको सहयोग र समन्वयमा संचालित पुनस्र्थापना केन्द्रमा आश्रित मानव बेचबिखन तथा ओसारपसार पीडित, प्रभावितहरुका लागि मनोसामाजिक परामर्श केन्द्र तथा अन्तरक्रिया कार्यक्रम निरन्तर संचालन भईरहेको छ । जिल्ला र प्रदेश स्तरमा अनलाईनबाट हुन सक्ने बेचबिखनबाट जोगिन साइबर क्राईम सम्बन्धि सचेतनामूलक कार्यक्रम संचालन भईरहेको छ । ’
मन्त्री साहले मानव बेचबिखनबाट जोगिन सरकारले सचेतनामुलक कार्यक्रममा जोड दिएको बताउनु भयो ।
