एजेन्सी
बेइजिङ । चीनको दक्षिणी क्षेत्रबाट ठूलो विमान दुर्घटनाको खबर प्राप्त भएको छ । चाइना इस्टर्नको १३३ यात्रु बोकेको विमान बोकेको दक्षिणपश्चिम चीनमा दुर्घटनाग्रस्त भएको छ ।
अहिलेसम्म दुर्घटनाको कारण र मृत्यु हुनेको सङ्ख्या थाहा हुन सकेको छैन । ब्ल्याक बक्स फेला परेपछि दुर्घटनाको कारण खुल्न सक्छ ।
चिनियाँ मिडिया सीसीटीभीले सोमबार यस दुर्घटनाको जानकारी दिएको छ। रिपोर्टअनुसार फ्लाइट एमयू ५७३५ बोइङ ७३७ विमान गुआङ्सी क्षेत्रको वुझाउ सहर नजिकैको ग्रामीण इलाकामा दुर्घटनाग्रस्त हुँदा पहाडको टुप्पोमा आगो लागेको थियो ।
उद्धार टोली घटनास्थलमा पठाइएको छ । विमान कुनमिङबाट ग्वानझाउ जाँदै थियो।
स्थानीय सञ्चारमाध्यमले विमानस्थलका कर्मचारीलाई उद्धृत गर्दै चाइना इस्टर्न फ्लाइट एमयू ५७३५ सोमबार दिउँसो १ बजेपछि कुनमिङ शहरबाट उडेको गुआन्झाउमा आफ्नो निर्धारित गन्तव्यमा नपुगेको बताएको छ ।
समाचारअनुसार यात्रुवाहक विमान दुर्घटना भएको ठाउँमा ठूलो आगलागी भएको थियो, जसका कारण मृत्यु हुनेको सङ्ख्या धेरै हुन सक्ने अनुमान गरिएको छ ।
