![](https://newspolar.com/wp-content/uploads/2024/07/yogesh-bhattarai-1.jpg)
काठमाडौँ । सत्तारुढ नेकपा एमालेका सचिव योगेशकुमार भट्टराईले विपक्ष दलहरुलाई पनि साथमा लिएर सरकार अघि बढ्ने बताउनुभएको छ ।
आईतवार संघीय संसद भवन परिसरमा सञ्चारकर्मीहरुले राखेका जिज्ञासाको जवाफ दिने क्रममा उहाँले सबै राजनीतिक दलहरुसँग सहमती गरेर मात्रै संविधान आवश्यकताअनुसार संशोधन गर्न लागिपर्ने समेत बताउनु भयो । सचिव भट्टराईले मुलुकको अर्थतन्त्रलाई चलायमान बनाउने र संविधान संशोधनका लागि सबै दलहरुको सहमती लिने मुख्य दुई ठूला काममा सरकार केन्द्रित हुने बताउनु भयो ।
दुई ठूला दल एमाले र काँग्रेस एक ठाउँमा आउनुको अर्थ जनताको आशा अनुसार काम गर्नु रहेको उहाँको भनाई थियो । सचिव भट्टराईले सरकारले वैदेशिक लगानी भित्र्याउनका लागि पनि सक्दो पहल गर्ने बताउनु भयो ।
उहाँले भन्नुभयो, ‘असाधारण ढंगले काम गर्न हामी दुई ठूला दल एक ठाउँमा आएका हौं । यसका केही ऐतिहासिक दायित्वहरु छन । मूलत यसले नेपालको अर्थतन्त्रलाई सकारात्मक दिशा दिने, गति प्रदान गर्ने, देश भित्र लगानीको वातावरण बनाउने, वैदेशिक लगानीको निम्ति पनि उपयुक्त वातावरण बनाउने, देश भित्र रोजगारीको अवसरहरु बढाउने र विदेश पलायन भएका जनशक्तिलाई देश भित्रै कामको एउटा वातवारण बनाउने यसको मुख्य दायित्व हुनेछ । साथै देशभित्र आत्माविश्वास बढाउने, जनतामा एउटा आत्माविश्वास बढाउने, राजनीतिक दलको बीचमा सहमती निर्माण गर्ने र त्यो सहमतीमार्फत संविधानको पुरावलोकन गर्ने, समिक्षा गर्ने र आवश्यक पर्यो भने संविधान संशोधन गर्ने सहमतिका साथ ।
यसको अर्को दायित्व छ । र, यसले नेपालको विकास, निर्माणमा सहयोग गर्दै आएका दिपक्षीय, बहुपक्षीय अन्तराष्ट्रिय निकायहरु छन । उहाँहरुसँग अझै महत्वपुर्ण सम्बन्ध विकास गर्दै नेपाल भित्र वैदेशिक लगानीको एउटा वातावरण बनाउने । र यीनै कुराको माध्यामबाट देशमा उत्साहको वातावरण बनाउने उद्देश्यका साथ नेपाली काँग्रेस र नेकपा एमाले एक ठाउँमा आएका छौं । विपक्षमा रहेका दलहरुलाई सरकारको पक्षमा ल्याउने हाम्रो कोशिस हुन्छ । संविधान संशोधन गर्दा हामी दुई तिहाई बहुमत मात्रै होइन, सकेसम्म सर्वसम्मत रुपमा संविधान संशोधन गर्ने कोशिस हामी गर्नेछौं । त्यसैका लागि हाम्रो यो गठबन्धन हो ।’
सचिव भट्टराईले विपक्ष दलहरुले दिएको सुझावलाई ग्रहण गरेर सरकार अघि बढ्ने बताउनु भयो ।