काठमाडौँ । प्रधानमन्त्री केपी शर्मा ओलीले जनतामा आशा र उत्साहको सञ्चार गराई देशलाई तिब्र आर्थिक वृद्धिको दिशामा लैजान वर्तमान सरकार बनेको बताउनुभएको छ ।
आईतवार प्रतिनिधि सभा बैठकमा आफूमाथिको विश्वासको मतको प्रश्ताव प्रश्तुत गर्दै उहाँले सो कुरा बताउनुभएको हो । देशप्रति आम जनताको भरोसा टुटेको डर लाग्दो अवस्था मुलुकमा विद्यमान रहेको उल्लेख गर्दै प्रधानमन्त्री ओलीले देशमा व्याप्त निराशा हटाउन, जनतामा आशा र उत्साहको सञ्चार गर्न अनि देशलाई तिब्र आर्थिक वृद्धिको दिशामा लैजान अहिलेको सरकार बनेको बताउनु भयो । उहाँले सरकारले सो काम गर्नेमा ढुक्क हुन पनि आग्रह गर्नुभयो ।
प्रधानमन्त्री ओलीले भन्नुभयो, ‘मलाई सबैभन्दा डर लागेको देशप्रति आम जनताको भरोसा टुटेको स्थिति । तिनको मनोबल नराम्ररी गिरेको अवस्था छ । देशमा व्याप्त यही गहिरो निराशा हटाउन, जनतामा आशा र उत्साहको सञ्चार गर्न अनि देशलाई तीव्र आर्थिक वृद्धिको दिशामा लैजान अहिलेको सरकार बनेको हो । यसमा सबै स्पष्ट हुनुभए हुन्छ । जनतामा भरोसा जगाउने गरी काम गर्न हाम्रो सरकारको मुख्य ५ वटा प्राथमिकता रहेका छन । पहिलो प्राथमिकता थालेको काम सक्ने ।’
प्रधानमन्त्री ओलीले मुलुकको आर्थिक अवस्था दयनीय रहेको पनि उल्लेख गर्नुभयो ।
