काठमाडौं । वरिष्ठ अधिवक्ता रमेश बडाल महान्यायाधिवक्ता नियुक्त हुनु भएको छ । राष्ट्रपति रामचन्द्र पौडेलले बडाल महान्यायाधिवक्ता नियुक्त गर्नुभएको राष्ट्रपति कार्यालयका प्रवक्ता शैलजा रेग्मी भट्टराईले बिज्ञप्ति मार्फत जानकारी गराउनु भएको छ ।
बिज्ञप्तिमा भनिएको छ – सम्माननीय राष्ट्रपति रामचन्द्र पौडेलले नेपालको सविधानको धारा १५७को उपधारा (२) बमोजिम सम्माननीय प्रधानमन्त्रीको सिफारिसमा काठमाडौ महानगरपालीका वड ानं ७ चाबहिल निवासी बरिष्ठ अधिवक्ता रमेश बडाललाई नेपालको महान्यायधिवक्ता पदमा नियुक्त गर्नुभएको छ ।
सरकारको कानुनी सल्लाहकार महान्यायाधिवक्ता प्रधानमन्त्रीको सिफारिसमा राष्ट्रपतिले नियुक्त गर्ने संवैधानिक व्यवस्था छ।
बडाल यसअघि ओली प्रधानमन्त्री हुँदा २०७७ चैत ६ गते पहिलोपटक महान्यायाधिवक्ता नियुक्त हुनु भएको थियो । तर सर्वोच्च अदालतको परमादेशले ओली सरकार ढलेर शेरबहादुर देउवा प्रधानमन्त्री नियुक्त भएपछि बडालले पनि राजीनामा दिनुभएको थियो ।
बडाल नेपाली कांग्रेससँगको सत्ता गठबन्धन निर्माण गर्न सक्रिय रहनु भएको थियो ।
