काठमाडौं । नेकपा एमाले र नेपाली कांग्रेसका नेताहरू नयाँ सरकार गठनका लागि दाबी पेश गर्न राष्ट्रपति भवन शीतल निवास पुगेका छन् ।
एमालेका नेता तथा सांसद सूर्य थापाका अनुसार आज संसदमा बिश्वासको मतको बिपक्षमा मतदान गरेका सबै दलको हस्ताक्षर सहित नेताहरु शीतल निवास पुगेका हुन् ।
प्रधानमन्त्री पुष्पकमल दाहाल प्रचण्डले प्रतिनिधि सभामा विश्वासको मत नपाएसँगै राष्ट्रपति रामचन्द्र पौडेलले नयाँ सरकार गठनका लागि संविधानको धारा ७६(२) अनुसार दलहरूलाई आह्वान गर्नुभएको थियो ।
