काठमाडौं । नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओलीसँगको भेटबारे पार्टी नेताहरुलाई ब्रिफिङ गरेका छन् ।
देउवा निवास बूढानीलकण्ठमा बसेको पार्टी पदाधिकारी र पूर्व पदाधिकारीहरुको बैठकमा देउवाले ओलीसँगको भेटबारे जानकारी गराएका हुन् ।
बैठकपछि सञ्चारकर्मीसँग बोल्दै कांग्रेस प्रचार विभाग प्रमुख मीनबहादुर विश्वकर्माले भने, ‘शीर्ष नेताहरूबीच छलफल हुँदा सरकार परिवर्तनको विषयमा चर्चा हुनु स्वाभाविक हो । तर, उहाँले चिया खान बोलाउनुभयो । हामी गयौं । अहिले हाम्रो सम्बन्ध सकारात्मक र सुमधुर छ भन्नुभयो ।’
उनले बैठकमा सरकार परिवर्तनको बिषयमा छलफल नभएको बताए ।
