काठमाडौ । नेकपा एमाले केन्द्रीय सल्लाहकार परिषद्ले गठबन्धनको सरकार राष्ट्र र जनताको सरोकारका सवालमा अनुत्तरदायी भएको जनाएको छ । सल्लाहकार परिषद्का अध्यक्ष अमृतकुमार बोहराले एक विज्ञप्ति जारी गर्दे राज्यका सबै अंगहरु प्रायः अस्तव्यस्त रहेको र आम जनता महंगीको चर्को मार खेप्न बाध्य भएको जनाउनु भएको छ ।
बिज्ञप्तिमा सरकारले कोरोनाको खोपसम्म राम्ररी दिनसकेको , खोपमा अपचलन भएका कुराहरु आइरहेको र औषधीको नाममा सिटामोलजस्तो सामान्य औषधी समेत नागरिकले राम्ररी पाउन नसकेको भन्दै सरकार अनुत्तरदायी भएको ठहर गरेको हो ।
बिज्ञप्तिमा सरकार जनतालाई राहत सुविधा दिनुभन्दा नेकपा (एमाले) विरुद्ध षड्यन्त्रमा केन्द्रित रहेको जनाउदै राजनीतिक तथा वैचारिक रुपमा अझ सजग तथा सक्रिय बन्नु पार्टी सदस्यहर लाई आव्हान गरिएको छ । बिज्ञप्तिमा भनिएको छ विरोधीहरुले फैलाएको भ्रमहरुलाई चिर्दै पार्टीको आन्तरिक एकतालाई सुदृढ पार्न बढी केन्द्रित बन्नुपर्दछ ।
