काठमाडौं । संसदको विघटन भएको ठिक १० दिनमा हिजो राजधानीमा संसद विघटनको कार्यका विरोधी नेकपाका नेताहरुले विरोध जुलुस गरे । नेकपाकै पुष्पकमद दाहाल प्रचण्ड र माधव नेपाल पक्षले हिजो राजधानीमा विरोध र्यालीको आयोजना गरेका थिए । सो र्यालीपछिको विरोध सभामा निकै ठूलो संख्याका नागरिक उपस्थित पनि थिए ।
यहाँ यो समाचारको आसय आमसभाको विस्तृत स्वरुप भन्दा पनि त्यहाँ अभिव्यक्त भएको विषयको हो । हाल प्रधानमन्त्री नेकपाकै नेता छन् केपी ओली । तर उनको विरुद्धमा निस्किएको जुलुश पनि नेकपाकै नामको थियो र त्यसले पनि ओलीलाई नै बढी आलोचना गरेको थियो । सभामा बोल्ने नेताहरुले ओलीको यसरी आलोचना गरे कि ओली नेपालका ठूला तानाशाह नै हुन् । उनी निरंकुश हुन् र उनले नै नेपालको गणतान्त्रिक व्यवस्थामा धाबा बोलेका छन् ।
यो त नेकपाको विरोधको स्वरुप हो यत्तिमात्र नभएर अझै गालीगलौजमा पनि उत्रिन सक्ला । किनभने नेकपाको स्पष्ट बहुमत भएको छँदाखाँदाको संसदलाई ओलीले भत्काइदिएका छन् । बाहिरबाट हेर्दा यो राम्रो काम होइन किनभने कोरोनाको खोपका लागि पेस्क रकम दिन नसकेको देशका अघिल्तिर अब अर्बौं खर्च गरेर संसदीय चुनाव गर्नुपर्ने बाध्यता छ र यसले देशलाई फाइदा गर्दैन, नेकपाको आन्तरिक विवादलाई फाइदा गर्ने नगर्ने उनीहरु नै जानुन् ।
तर यहाँ उल्लेख गर्न खोजिएको आसय भने नेताहरुको बुद्धिको साँघुरो घेराप्रतिको हो । उनीहरुले भृकुटीमण्डमा आयोजना भएको सो आमसभामा बोल्ने क्रममा भनेका थिए कि– यदि विघटित संसद पुनस्र्थापना गर्छन् भने ओलीसँग अझैपनि बसेर कुरा गर्न हामी तयार छौँ, उनलाई क्षमा दिन अझै तयार छौँ । यो तर्क त्यहाँ बोल्ने तीन नेता प्रचण्ड, माधव नेपाल र झलनाथ खनालले नै राखे । तर यो उनीहरुकको अज्ञानता बाहेक केही होइन ।
किनभने अब त्यो मुद्धा ओलीको हातमा छैन । संसद विघटनको मुद्धा सर्वोच्च अदालत प्रवेश गरिसकेको छ । अदालतमा पनि प्रधानन्यायाधीश अध्यक्ष रहेको संवैधानिक इजलासमा छ । यस्तो अवस्थाको मुद्धा अब के प्रधानमन्त्रीले फैसला गर्ने हो रु के अब यो प्रधानमन्त्रीको काबुमा छ रु देशको न्यायलयको अधिकारक्षेत्र भित्र प्रवेश गरिसकेको र मुद्दाका लागि इजलास नै गठन भइसकेको अनि त्यसका लागि बारसँग इमिकस क्युरी नै गठन भएको अवस्थाको मुद्दामा किन यसरी नेताहरुले अबुझ तर्क गरेका रु उनीहरुले यो नबुझेका कि बुझेर पनि बुझपचाएका ?
