• ४ श्रावण २०८१, शुक्रबार
  •      Fri Jul 19 2024
  •   Unicode
Logo

टी–२० विश्वकपः भारतले अष्ट्रेलियालाई दियो २०६ रनको लक्ष्य



काठमाडौँ । टी–२० विश्वकप अन्तर्गत समूह ८ को अन्तिम खेलमा भारतले अष्ट्रेलियालाई २०६ रनको लक्ष्य दिएको छ ।

सेन्ट लुसियामा टस हारेर ब्याटिङमा उत्रिएको भारतले २० ओभरमा ५ विकेटको क्षतिमा २०५ रन जोड्यो ।

उसका लागि कप्तान रोहित शर्माले ४१ बलमा ९२ रनको विष्फोटक पारी खेले । उनले ७ चौका र ८ छक्का प्रहार गरे । यस्तै, सुर्यकुमार यादवले ३१, शिबम लुवेले २८, हार्दिक पाण्ड्याले अविजित २७, ऋषभ पन्तले १५ रन जोडे ।

बलिङतर्फ अष्ट्रेलियाका मार्कुस स्टोइनिस र मिचेल स्टार्कले २–२ विकेट लिए भने जोस हेजलवुडले १ विकेट लिए ।

सेमिफाइनलमा पुग्न अष्ट्रेलियालाई यो खेल जित्नैपर्ने दबाब छ ।