एजेन्सी । एडेन मार्करामको कप्तानीमा रहेको दक्षिण अफ्रिकी टोलीले टी–२० विश्वकप २०२४ को सेमिफाइनलको टिकट काटेको छ । आईसीसी पुरुष टी–२० विश्वकप २०२४ को सुपर–८ खेलमा, दक्षिण अफ्रिकाले डिएलएस अन्तर्गत वेस्ट इन्डिजलाई ३ विकेटले पराजित गर्यो ।
खेलमा पराजयसँगै क्यारेबियन टोलीको प्रतियोगितामा यात्रा समाप्त भएको छ । दक्षिण अफ्रिकासँगको हारपछि कप्तान रोभम्यान पावेल निराश देखिएका छन् ।
दक्षिण अफ्रिकासँगको हारपछि वेस्ट इन्डिजका कप्तान रोभम्यान पावेलले खेलको अन्त्यसम्म लड्ने श्रेय खेलाडीहरूलाई जान्छ भने । ‘ब्याटिङ समूहका रूपमा हामी असफल छौं । हामीले यो बिर्सनु आवश्यक छ, तर हामीले मध्य ओभरमा राम्रो ब्याटिङ गर्न सकेनौं । हामीले लगातार विकेट गुमायौं, जसले हाम्रो ब्याटिङ अर्डरलाई पछाडि धकेल्यो ।’ उनले भने ।
क्यारेबियन कप्तानले टोलीका खेलाडीहरूको प्रशंसा गर्दै टोलीका खेलाडीहरूले लक्ष्य रक्षा गर्दा उत्कृष्ट प्रयास गरेको बताए । उनी १३५ रनको लक्ष्य रक्षा गर्न सक्नेमा विश्वस्त थिए । ‘हामीले यो विश्वकप जित्न तथा सेमिफाइनलमा पुग्न असफल भयौं, तर हामीले पछिल्लो १२ महिनामा राम्रो प्रदर्शन गरेका छौं ।’ उनले भने ।
यस क्रममा पावेलले फ्यानहरूको बारेमा कुरा गर्दै भने – ‘वेस्ट इन्डिजमा क्रिकेट फेरि एक पटक चर्चामा छ । हामी यो महान सफलतासँग बिदाइ गर्दैछौं । हामीले देशका विभिन्न ठाउँबाट समर्थन पाएका छौं र हामी यो देखेर धेरै खुसी छौं ।’
