• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   अर्थतन्त्रलाई चलायमान बनाउन मौद्रिक नीति कठोर हुनुहुँदैन: प्रधानमन्त्री ★   पर्या–पर्यटन प्रवर्द्धन गर्न सोभातालमा डुङ्गा सञ्चालन ★   गृष्मकालिन पेरिस ओलम्पिकमा सहभागी हुने खेलाडीलाई राष्ट्रपतिको शुभकामना ★   तोलामा रु दुई हजारले घट्यो सुनको मूल्य ★   भारतको २०२४–२५ को लागि जीडीपी वृद्धि प्रक्षेपण ७ प्रतिशत ★   सिमलताल दुर्घटना: २३ जनाको शव फेला, नौँ जनाको सनाखत हुन बाँकि (सूचीसहित) ★   काठमाडौंमा किन महंगियो तरकारी? यस्तो छ उपभोक्ताको भनाइ ★   न्यूरोडमा फुटपाथ विस्तारको विरोध गर्दै सडकमा उत्रिए स्थानीय ★   विद्यालय शिक्षा विधेयक: सांसदले आफ्नै संशोधन बिर्सन थालेपछि.. ★   पोखरा विश्वविद्यालयको नयाँ भवन बन्दै

बटलरले १०४ मिटर लामो छक्का हान्दै सोलार प्यानलनै फुटाएपछि…



एजेन्सी । टी–२० विश्वकप अन्तर्गत सुपर ८ को खेलमा इंग्ल्यान्डले अमेरिकालाई हराएको छ । जोस बटलरको कप्तानीमा रहेको इंग्ल्यान्डले अमेरिकालाई १० विकेटले पराजित गरेको हो । यो जितसँगै इंग्ल्यान्ड सेमिफाइनल पुग्ने पहिलो टोली बनेको छ ।

पहिले ब्याटिङ गरेको अमेरिकाले १८.५ ओभरमा अलआउट हुँदै ११५ रन बनाएको थियो । जसको जवाफमा इंग्ल्यान्डले ९.४ ओभरमा लक्ष्य पुरा गर्यो । इंग्ल्याण्डका लागि जोस बटलरले ३८ बलमा ८३ रनको विष्फोटक इनिङ्स खेले । उनले आफ्नो पारीमा ६ चौका र ७ छक्का प्रहार गरे । यसबाहेक फिल साल्ट २१ बलमा २५ रन बनाएर नटआउट फर्किए ।

यसै क्रममा इंग्ल्यान्डका कप्तान जोस बटलरको छक्का सामाजिक सञ्जालमा तिब्र रुपमा भाइरल भइरहेको छ ।

वास्तवमा, सौरभ नेत्रवलकर अमेरिकाका लागि तेस्रो ओभर बलिङ गर्न आए । बटलरले यो ओभरको चौथो बलमा नेत्रवलकरको टाउकोमाथि शक्तिशाली प्रहार गरे । त्यसपछि बल सिधै रंगशालाको छतमा खसेको थियो ।

जोस बटलरको प्रहारले छतमा रहेको सोलार प्यानलको सिसामा क्षति पुगेको छ । जोस बटलरको छक्काको दूरी करिब १०४ मिटर थियो । भिडियो सामाजिक सञ्जालमा निकै भाइरल भइरहेको छ । सामाजिक संजाल प्रयोगकर्ताहरुले लगातार कमेन्ट गरेर आफ्नो प्रतिक्रिया दिइरहेका छन् ।