काठमाडाैंः झुट्टा तथा नक्कली मूल्य अभिवृद्धि कर विजक प्रयोग गरी राजस्व छलि गर्ने सर्लाही जिल्ला स्थाई घर भई पद्म कोलनी सितापाइलामा बस्ने राम किसोर प्रसाद समेत २८ जनाबाट एक अर्ब ३२ करोड ८६ लाख विगो मागदावी सहित राजश्व अनुसन्धान विभागले उच्च अदालत पाटनमा मुद्दा दायर गरेको छ ।
राम किसोर प्रसादले मोहन ट्रेड इन्टरनेशनल लगायत विभिन्न २६ वटा फर्महरु कमजोर आर्थिक अवस्था भएका मजदुर लगायतका व्यक्तिको नाममा दर्ता गरि उक्त सबै फर्मको बैंक खाता संचालन राम किशोर प्रसादले नै गरी विभिन्न फर्महरुको नाममा झुठ्ठा तथा नक्कली बिक्री विजक जारी गरेकाे विभागले जनाएकाे छ ।
साहले आ व २०७१।७२ देखि २०७४।७५ सम्ममा मूअ कर तथा आयकर राजस्व चुहावट गरेको अनुसन्धानबाट खुलेकाे थियाे ।
विभागले साहमाथि मुअ कर तर्फ रु ४३ कराेड ८१ लाख, आयकर तर्फ रु ८६ कराेड ५६ लाख र लाभांश कर तर्फ रु २ कराेड ८ लाख राजश्व चुहावट गरेकाे भन्दै मुद्दा दायर गरेकाे विभागका सूचना अधिकारीले बताएका छन् ।
