एजेन्सी । टी–२० विश्वकप २०२४मा पाकिस्तानी क्रिकेट टोलीको प्रदर्शन निकै खराब रह्यो । यो विश्वकपमा टोली सुपर–८ सम्म पनि पुग्न सकेन । यसपछि बाबर आजमको कप्तानीमा एकपटक फेरि प्रश्न उठ्न थालेको छ । बाबर आजम दोस्रो पटक टोलीको कप्तान बने तर उनले आफ्नो टोलीलाई सफलता दिलाउन सकेनन् ।
यतिसम्म कि पाकिस्तानले टी-२० विश्वकपमा अमेरिकासँग समेत हार बेहोर्यो । भारतसँगको खेलमा पाकिस्तानले हार बेहोरेको थियो । यस्तै, क्यानडाविरुद्ध विजयी भएको थियो भने आयरल्याण्डलाई मुस्किलले हरायो । प्रतियोगितामा समुहचरण बाटै बाहिरिएसँगै बाबरको कप्तानीमा प्रश्न उठेको छ।
बाबरले पाकिस्तानका खेलाडीहरू प्रतिभाशाली रहेको बताए । उनले व्यक्तिको कारणले नभई टोलीको रुपमा हारेको बताए । उनले भने, ‘सबै दुखी छन्। हामी एक व्यक्तिको कारणले हारेका होइनौं, हामी एक टोलीको रूपमा हार्यौं। तपाईहरू कप्तानको बारेमा भन्नुहुन्छ, तर म सबैको ठाउँमा खेल्न सक्दिन। त्यहाँ ११ खेलाडी छन्। र सबैको भूमिका छ। हामीले विश्वकप खेल्न सकेनौं।’
यस्तै, उनले आफ्नो कप्तानीको सम्बन्धमा पाकिस्तान क्रिकेट बोर्डले जे पनि निर्णय गर्नसक्ने बताए । बाबरले भने, ‘कप्तानी छोड्दा अब फेरि नगर्ने सोचेको थिएँ। मलाई कप्तान फिर्ता दिनु पीसीबीको निर्णय थियो । मैले कप्तानी छोड्नु पर्यो भने स्पष्ट भन्छु। म पर्दा पछाडिबाट केही बोल्दिन। जे हुन्छ, त्यो सबैको अगाडि हुनेछ। तर अहिलेसम्म मैले यसबारे सोचेको छैन। यो निर्णय पीसीबीको हो।’
