एजेन्सी । आभा शर्माले ‘पञ्चायत सिजन ३’ मा अम्मा जी (दमयन्ती देवी) को भूमिका निभाएकी छिन् । ७५ वर्षीया आभा शर्माले एक अन्तर्वार्ताका क्रममा आफ्नो अभिनय करियर कति कठिन रहेको बताएकी छिन्। उनले बाल्यकालदेखि नै अभिनयमा रुचि राखेपनि ५४ वर्षको उमेरमा अभिनय गर्ने मौका पाएको बताए ।
इन्डियन एक्सप्रेससँगको कुराकानीमा आभाले आफ्नो परिवारमा आफू कान्छी भएको बताइन् । आफ्नो बुबाको मृत्यु पछि, आभाले टेलिकम कम्पनीमा काम गर्न थालेको र आमाको हेरचाह गर्न घरमा बसेको बताईन् । उनले जे.जे. स्कुल अफ आर्ट्सबाट डिप्लोमा गरे र सन् १९७९ मा शिक्षक भएर काम गर्न थाले ।
आभाकी आमाले अभिनय गरून् भन्ने चाहनुभएन । आभाले आफ्नी आमाको कुरा मान्नुभयो र अभिनयको बारेमा सोचेनन्। तर आमाको निधनपछि आभाले फेरि अभिनय गर्न थालिन् ।
आभाले सन् २००९ मा टिभीमा पहिलो ब्रेक पाएकी थिइन् । त्यसपछि उनले अर्जुन कपुर र परिणीति चोपडा स्टारर फिल्म ‘इशकजादे’ मा काम पाए ।
आभालाई २०१० मा फिल्म ‘पिपली लाइभ’ मा भूमिकाका लागि बोलाइएको थियो । यहीँ उनको पहिलो भेट ‘पञ्चायत’ अभिनेता रघुवीर यादवसँग भएको थियो । अचानक स्वास्थ्यमा खराबी आएपछि उनले यो फिल्ममा काम गर्न नसकेर यो रोल अर्कैको हातमा गयो । पछि फेरी आभाले ‘पञ्चायत ३’ मा भूमिका पाइन् । उनले आफ्ना सबै कस्टार, निर्देशक र बाँकी टोलीले निकै सहयोग गरेको बताए ।
