• ९ असार २०८१, आईतवार
  •      Sun Jun 23 2024
  •   Unicode
Logo
Latest
★   नेपाल–चीनबीचको सम्बन्ध नयाँ उचाइमा पुगेको छ: उपाध्यक्ष घिमिरे ★   लैंगिक समानता घरबाटै सुरु गरौ, लैंगिक हिंसा अन्त्य गरौ ★   ‘मिस ग्राण्ड नेपाल-२०२४’को आवेदन खुला ★   गाग्रीमा पानी ओसार्ने समस्या समाधान हुन्छः खानेपानीमन्त्री राई ★   शहरी विकास मन्त्रालयको बजेट असन्तुलित रहेको भन्ने भनाईमा सत्यता छैनः मन्त्री बुढा ★   वैदेशिक रोजगारीमा जाने ९६ प्रतिशत नागरिक ठगिएका छन्, टुलुटुलु हेरेर बस्न सक्दिनँः मन्त्री अर्याल ★   दक्षिणी मेक्सिकोमा एक हप्ताभित्र दुई नगर प्रमुखको हत्या ★   टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै ★   जिबी राईलाई पक्राउ गर्ने नियत गृहमन्त्रीको छैन: प्रकाशशरण महत ★   प्रधानमन्त्री बलियो हुनुहुन्छ, उहाँकै कमाण्डमा देश अघि बढ्छ: महेश बर्तौला

सरकारले बयलपाटा अस्पतालका लागि तत्काल कम्तिमा १० करोड बजेटको व्यवस्था गर्नुपर्छ: काँग्रेस सांसद पाण्डे



काठमाडौँ । प्रमुख प्रतिपक्ष दल नेपाली काँग्रेसका सांसद बद्रीप्रसाद पाण्डेले अछामस्थित बयलपाटा अस्पतालका लागि तत्काल कम्तिमा १० करोड बजेटको व्यवस्था गर्न सरकारसँग माग गर्नुभएको छ ।

मंगलवार प्रतिनिधि सभा बैठकमा शुरुमै समय लिएर बोल्दै उहाँले सो अस्पताल बजेटको अभावमा बन्द हुने अवस्थामा पुगेको उल्लेख गर्दै चालु आर्थिक वर्ष भित्र आवश्यक बजेटको व्यवस्था मिलाउन सरकारसँग माग गर्नुभएको हो । उहाँले त्यसका लागि आफूहरुले स्वास्थ्य तथा जनसंख्यामन्त्री प्रदीप यादवलाई भनेको र प्रधाननमन्त्री पुष्पकमल दाहाल र अर्थमन्त्री वर्षमानले पनि त्यसका लागि सहयोग गर्ने विश्वास व्यक्त गर्नुभयो । सांसद पाण्डेले अछामसहित बाजुरा, कालिकोट, मुगु, डोटी, दैलेख, हुम्लाजस्तो विकट जिल्लाहरुमा एक वर्षमा करिव १ लाख सेवाग्राहीले नि:शुल्क गुणस्तरीय सेवा प्राप्त गर्ने सो अस्पताल सञ्चालनका लागि आवश्यक बजेटको व्यवस्था गरेर उचित वातावरण निर्माण गर्न संघीय सरकारले ढिलाई नगर्ने विश्वास समेत व्यक्त गर्नुभयो । उहाँले सुदूरपश्चिम प्रदेश सरकारले पनि आगामी आर्थिक वर्षका लागि विनियोजन हुने बजेटमा सो अस्पतालका लागि आवश्यक बजेटको व्यवस्था गर्नुपर्ने बताउनु भयो ।

सांसद पाण्डेले भन्नुभयो, ‘अछाम जिल्लाको बलयपाटा अस्पताल १६ वर्षदेखि नेपाल सरकारसँगको सहकार्यमा न्याय हेल्थ नेपाल नामक संस्थाले सञ्चालन र व्यवस्थापन गर्दै आएको छ । अछामसहित बाजुरा, कालिकोट, मुगु, डोटी, दैलेख, हुम्लाजस्तो विकट जिल्लाहरुमा एक वर्षमा करिव १ लाख सेवाग्राहीले त्यहाँ नि:शुल्क गुणस्तरीय सेवा प्राप्त गर्ने गर्दछन् । करिव ८ सय जति मेजर सर्जरीहरु हुने गर्दछ । यो अस्पताल आधुनिक तरिकाले सञ्चालित छ । यसमा आर्थिक पारदर्शीता पनि छ । यो अत्याधुनिक तरिकाले सञ्चालित, गुणस्तरीय सेवा प्रदान गरिरहेको कोभिडको महामारीपछि यसको डोनेशन कम हुँदै गयो ।’

‘अहिलेको बजेट भाषणमा प्रदेश सरकारले छुटयाएन बजेट पनि । अहिले त्यो अस्पतालमा बडो कठिन अवस्था सृजना भएको छ । दुर्गम ठाउँमा २ जना विशेषज्ञ डाक्टर सहित नौ जना डाक्टरहरु हुनुहुन्छ । १९७ जना अरु स्टाफहरु हुनुहुन्छ । महिनौदेखि उहाँहरु तलवबाट बञ्चित हुनु भएको छ । जसका कारणले यो अस्पताल बन्द हुने अवस्थामा पुगेको छ । यस पटक पनि सुदूरपश्चिम प्रदेश सरकारको बजेट असार १ गते आउँदैछ । यसका बजेटको व्यवस्था गरिदिन आग्रह गरेका छांै । यदि यो असार मसान्त भित्रै बजेट नहुने हो भने अर्थमन्त्री, प्रधानमन्त्री र सिंगो संसदलाई यही आर्थिक वर्ष भित्रै कम्तिमा पनि ९/१० करोड विशेष अनुदानको व्यवस्था गरेर बयलपाटा अस्पताललाई सुचारु गर्न, अगाडि बढाउन र दुर्गम क्षेत्रका नागरिकहरुले पाएका सेवा सुविधाहरुलाई निरन्तरता दिन सरकारसँग जोडदार माग गर्दछु ।’

सांसद पाण्डेले सो अस्पतालमा चिकित्सकसहितक कर्मचारीहरुले तलवसमेत नपाएको उल्लेख गर्दै सरकारले चालु आर्थिक वर्ष असार भित्रै आवश्यक बजेटको व्यवस्था गर्नुपर्ने बताउनु भयो ।