• १० असार २०८१, सोमबार
  •      Mon Jun 24 2024
  •   Unicode
Logo
Latest
★   छाउपडी लगायतका कुप्रथा अन्त्यका लागि कानुन बनाउन समिति बनाईने ★   वित्तीय हस्तान्तरण गरिएका कार्यक्रम कार्यान्वयनका लागि प्रदेश तहको समन्वय प्रणाली विकास गर्नुपर्छ: मन्त्री चौधरी ★   हारपछि कप्तान पावेलले निराश बन्दै भने – हामी ट्रफी जित्न… ★   सांसद पौडेलको प्रश्न: देश सरकारले चलाइरहेको छ की अन्त कतैबाट चलेको छ? ★   किसानलाई ६४ हजार डालेघाँसका बिरुवा वितरण ★   ढुङ्गेधारा छ, पानी छैन ★   बेनीमा मौसम मापन केन्द्र स्थापना ★   भरतपुर महानगरपालिकाको बजेट ६ अर्ब ५५ करोड ★   बेहुलाको घर पुगेपछि भावुक भइन् सोनाक्षी ★   नागार्जुनले फ्यानसँग मागे माफीः एयरपोर्टमा सेल्फी लिन आएका थिए, अंगरक्षकले धकेले

मानवसेवा आश्रमलाई एकैदिन ६४ लाख ५४ हजार सहयोग



ढोरपाटन । मानवसेवा आश्रम बागलुङको भवन निर्माणका लागि एकैदिन रु ६४ लाख ५४ हजार पाँच सय ९५ सङ्कलन भएको छ ।

निर्माणाधीन भवन सहयोगार्थ ‘मिट एण्ड ग्रिट’ कार्यक्रमबाट एकैदिन उक्त रकम सङ्कलन भएको छ । कार्यक्रममा बागलुङको काठेखोला गाउँपालिकाले रु १५ लाख, पर्वतको कुश्मा नगरपालिकाले रु पाँच लाख ११ हजार, फलेबास नगरपालिकाले रु पाँच लाख ११ हजार र म्याग्दीको मालिका गाउँपालिकाले रु पाँच लाख ११ हजार सहयोग गरेका छन् ।

त्यस्तै स्थानीय र बागलुङ बजारका व्यापारीले सहयोग गरेको मानवसेवा आश्रमका सहकोषाध्यक्ष सुमीरा लामाले जानकारी दिनुभयो । विसं २०७३ देखि बागलुङको शाखा स्थापना गरेर सेवा दिँदै आएको आश्रमले विसं २०७८ मा बागलुङ नगरपालिका–४ निरयघाटमा जग्गा प्राप्त गरेपछि सुविधा सम्पन्न भवन निर्माण गर्न थालेको हो ।

स्थापनाकालदेखि अहिलेसम्म बागलुङ–३ किनारा टोलबाट आश्रम सञ्चालित छ । आश्रमको आफ्नै सुविधा सम्पन्न भवन निर्माण गर्नका लागि विसं २०७८ वैशाख २४ गते शिलान्यास गरिएको लामाले बताउनुभयो । आश्रमलाई स्थापनाकालदेखि नै धेरैले सहयोग गर्दै आएको सुनाउँदै ‘मिट एण्ड ग्रिट’ कार्यक्रममा एकैदिन धेरैले सहयोग गरेको उहाँको भनाइ छ ।

आश्रममा हाल महिला २२, पुरुष २४ र बालबालिका सात गरी ५३ जना सहयोगापेक्षी आश्रित रहेका छन् । भवन निर्माण सुरु भएको तीन वर्षमा ४० प्रतिशत काम सम्पन्न भएको मानवसेवा आश्रमका अभिभावक एवं भवन निर्माण समितिका संयोजक शिव खड्काले जानकारी दिनुभयो ।

रु १२ करोड ७५ लाखको योजना रहेकामा हालसम्म हालसम्म रु पाँच करोड खर्च भएको उहाँको भनाइ छ । यो सबै प्रदेश, पालिका र दाताबाट आएको सहयोग प्राप्त भएको खड्का बताउनुहुन्छ ।

खड्काले भन्नुभयो, “भवन निर्माणको काम अगाडि बढेको छ, हालसम्म करिबकरिब आधा काम सकिन थालेको छ, आर्थिक सहयोग आउनेक्रम जारी छ, धेरै दाताले मन फुकाएर सहयोग गर्नुभएको छ, यो योजना रु १२ करोड ७५ लाखको हो, भवन निर्माण सकियो भने आश्रममा बस्नेहरुलाई सहज हुनेछ, अहिले जसोतसो व्यवस्थापन गर्दै आएका छौँ ।” मानवसेवा आश्रमका केन्द्रीय अध्यक्ष रामजी अधिकारी, हास्यकलाकार मनोज गजुरेलले सो कार्यक्रमको सहजीकरण गर्नुभएको थियो । रासस