• १० असार २०८१, सोमबार
  •      Mon Jun 24 2024
  •   Unicode
Logo
Latest
★   काँग्रेस भित्रको फोहोर सफा गर्न आवश्यक छ: महामन्त्री थापा ★   अथाह प्रेमको बावजुद, यी गल्तीहरूले ब्रेकअप निम्त्याउन सक्छ ! ★   एकसिङ्गे गैँडाको खाग खरिद बिक्रीको अभियोगमा मुद्दा दायर ★   नेप्से परिसूचक सामान्य अङ्कले बढ्दा पाँच अर्बमाथिको कारोबार ★   नेपालगञ्जको बजेट रु एक अर्ब ५० करोड ३८ लाख ८६ हजार ★   छाउपडी लगायतका कुप्रथा अन्त्यका मन्त्रालयहरुबीचको समन्वयमा समिति बनाइने ★   तारकेश्वर नगरपालिका-३ स्थित जितपुर पाँचमानेमा अवस्थित धार्मिक एवं पर्यटकीय स्थल भुवनेश्वरी मन्दिर ★   जीतपुर सिमरा उपमहानगरपालिकाको नगरसभामा कुर्सी हानाहान ★   भ्रष्टाचारबिरुद्ध अझ निर्मम बन्न सरकारलाई सांसद गैरेको आग्रह ★   संसद् सचिवालयका कर्मचारीका माग पूरा गर्न सरकारको ध्यानाकर्षण

कल्पना गर्न सक्नुहुन्छः विश्वको सबैभन्दा लामो रेल कति लामो होला ?



एजेन्सी । विश्वका धेरै देशहरुमा अधिकांश मानिसहरू रेलबाट यात्रा गर्छन् । यात्रुहरू बाहेक एक ठाउँबाट अर्को ठाउँमा सामान ढुवानी गर्न पनि रेलको प्रयोग गरिन्छ । तर के तपाईलाई थाहा छ विश्वको सबैभन्दा लामो रेल कुन हो र यसमा कतिवटा डिब्बा छन् ?

अष्ट्रेलियाको बीएचपी आयरन ओर संसारको सबैभन्दा लामो रेल हो । यो रेल जुन २००१ मा चलेको थियो र यसको लम्बाइ लगभग ४.६ माइल अर्थात् ७.३५३ किमी थियो । यो संसारको इतिहासमा सबैभन्दा लामो रेल थियो । पश्चिमी अस्ट्रेलियाको पिलबारा क्षेत्रमा बीएचपीको आफ्नै निजी रेल लाइन छ । यसलाई माउन्ट न्यूम्यान रेलवे भनिन्छ । यो रेल नेटवर्क फलामको ढुवानीको लागि डिजाइन गरिएको हो । बीएचपीले यस क्षेत्रमा अर्को रेल लाइन सञ्चालन गर्छ, जसलाई द गोल्ड्सवर्थी रेलवे भनिन्छ ।

अस्ट्रेलियाको बीएचपी आइरन ७.३ किलोमिटर लामो थियो । यो लामो रेलको साथ संसारको सबैभन्दा लामो र सबैभन्दा भारी मालगाडी रेल थियो । यो रेल ६८२ डिब्बा लोकोमोटिभहरूसँग सुसज्जित थियो, जसलाई आठ बलियो जनरल इलेक्ट्रिक डिजेल लोकोमोटिभहरूद्वारा तानिएको थियो ।

यो रेलले पश्चिमी अस्ट्रेलियाको यान्डी माइनदेखि पोर्ट हेडल्याण्डसम्मको २७५ किलोमिटरको यात्रा १० घण्टा चार मिनेटमा पूरा गरेको थियो । तर, बाटोमा चढ्ने क्रममा रेलबाट एक कपलर निस्किएकाले रेल यात्रा चार घण्टा ४० मिनेट ढिलो भएको थियो । त्यो समयमा, यो रेलमा ८२ हजार टन फलाम लोड गरिएको थियो ।

यो रेल यति लामो थियो कि २४ एफिल टावरहरू यसमा फिट हुन सक्थे । किनभने एफिल टावरको लम्बाइ ३०० मिटर छ । यो ट्रेनको वजन करिब एक लाख टन थियो ।

आज पनि बीएचपी आयरन ओर रेल चल्छ । यसमा २७० डिब्बा छन्, जसलाई चारवटा डिजेल लोकोमोटिभ इन्जिनले तान्छन् । यो रेलले करिब ३८,००० टन फलाम बोकेको छ । यद्यपि यसअघि सबैभन्दा लामो रेलको कीर्तिमान दक्षिण अफ्रिकाको नाममा थियो ।

सन् १९९१ मा त्यहाँ ७१,६०० टन तौलको रेल चलाइएको थियो । यो रेल साईसेनदेखि साल्दान्हाको बीचमा चलेको थियो र यसमा फलाम भरिएको थियो । यसमा ६६० वटा डिब्बा थिए र यसको लम्बाइ ७,२०० मिटर थियो । यसलाई तान्न नौ विद्युतीय र सात डिजेल लोकोमोटिभ इन्जिन जडान गरिएको थियो ।

छिमेकी राष्ट्र भारतको कुरा गर्दा भारतीय रेलवेले सन् २०२२ को अगस्ट १५ मा देशको सबैभन्दा लामो र सबैभन्दा भारी ट्रेन चलाउने उपलब्धि हासिल गरेको थियो । यसलाई सुपर वासुकी नाम दिइएको थियो । यो ३.५ किलोमिटर लामो मालगाडीलाई तान्न एक वा दुई होइन पाँचवटा इन्जिन जडान गरिएको थियो ।

यस रेलका २९५ डिब्बामा २७ हजार टन कोइला भरिएको थियो । यो छत्तीसगढको कोरबादेखि नागपुरसम्म गुडेको थियो र २६७ किलोमिटरको यात्रा ११ घण्टा २० मिनेटमा पूरा गरेको थियो । यसअघि रेलवेले एनाकोन्डा र शेषनाग जस्ता रेलहरू पनि चलाएको थियो ।