• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   विद्यालयका सटर नहटाउन काठमाडौं महानगरपालिकाका नाममा अन्तरिम आदेश ★   विद्यार्थी भिसामा अस्ट्रेलियाको थप कडाइ ★   राष्ट्रपति पौडेल र स्वीट्जरल्यान्डका समकक्षीबीच भेटवार्ता ★   बुर्तिवाङ स्वास्थ्य केन्द्र ५० शय्याको अस्पतालमा स्तरोन्नति हुँदै ★   खेलले जोडेको नेपाली मन ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’

सन्दर्भ वातावरण दिवसः एउटा प्लाष्टिकको झोला नष्ट हुन १००० वर्ष लाग्ने



एजेन्सी । आज विश्व वातावरण दिवस हो । विकासको नाममा मानिसले जङ्गल काट्यो, खोला र समुद्रको पानी प्रदूषित गर्यो र हामीलाई नचाहिने कुरा थोकमा उत्पादन गर्यो ।

पाँच हजार अर्ब टनभन्दा बढी विषाक्त पदार्थ वातावरणमा निस्किएको छ र आज अवस्था यस्तो बनेको छ कि १२ हजारभन्दा बढी प्रजाति लोप भइसकेका छन् भने हजारौं लोप हुने अवस्थामा छन् ।

प्रकृतिको इकोसिस्टममा क्षति पुगेको छ । तापक्रम बढ्दै गएको छ, हिमनदी पग्लिरहेको छ ।

प्रकृतिमा अहिलेसम्म रेकर्ड गरिएका दश तातो दिनहरू सबै पछिल्लो दशकमा भएका छन् । २०२२ को गर्मीमा यो तापक्रमले विगत १२२ वर्षको सबै रेकर्ड तोडेको थियो । यति धेरै गर्मी यसअघि कहिल्यै भएको थिएन । तर त्यसपछि २०२३ आयो र यसले विगत २००० वर्षको गर्मीको रेकर्ड तोड्यो । यस वर्षको गर्मीले गत वर्षको कीर्तिमान तोडेको छ ।

सेन्टर फर ग्लोबल चेन्ज एण्ड अर्थ अब्जर्भेसनका अनुसार विश्वमा हरेक वर्ष ४००.३ मिलियन मेट्रिक टन प्लास्टिक उत्पादन हुन्छ ।

हामी हरेक वर्ष ३५३.३३ मिलियन मेट्रिक टन प्लास्टिक फोहोर उत्पादन गर्छौं । उत्पादन हुने प्लास्टिकको १५ प्रतिशत मात्रै रिसाइकल हुन्छ । बाँकी फोहोरको रूपमा वातावरणमा रहन्छ । प्लास्टिक सड्न एक हजार वर्ष लाग्छ ।

पानीको बोतल देखि चिप्स प्याकेट सम्म, हरेक बिहान टूथब्रस माझ्ने देखि राती सुत्ने सम्म, प्लास्टिक हाम्रो जीवनमा जताततै उपस्थित छ । हामी सोच्छौं कि प्लास्टिकले हाम्रो जीवन सजिलो बनायो, जबकि सत्य यो हो कि यो परमाणु बम पछि मानिसको सबैभन्दा खतरनाक आविष्कार हो ।

प्लास्टिकले प्रकृतिलाई मात्र नभई हाम्रो जीवनलाई पनि हानि पुर्याइरहेको छ । युनिभर्सिटी अफ न्यु मेक्सिकोको एक अध्ययन अनुसार प्लास्टिकले हाम्रो कलेजो, मृगौला र मस्तिष्कलाई नोक्सान पुर्याइरहेको छ ।

त्यसैले, सकेसम्म यसलाई आफ्नो दैनिक जीवनमा प्रयोग नगर्नुहोस् । विशेष गरी यस्तो प्लास्टिकको प्रयोगले गर्दा जुन प्रकृतिमा फोहोरको रूपमा रहिरहनेछ र जसलाई पुनः प्रयोग गरिने छैन ।

तरकारी बजार जाँदा प्लाष्टिकको झोला नलिनुहोस् । आफ्नो घरबाट लुगाको झोला लैजानुहोस् । सकेसम्म आफ्नो जीवनबाट प्लास्टिक घटाउनुहोस् ।