एजेन्सी । बलिउड फिल्म उद्योगमा वर्षेनी कैयौं फिल्महरु प्रदर्शनमा आइरहन्छन् । त्यसमध्ये एक ब्लकबस्टर फिल्म हो ‘कवीर सिंह’ । २०१९ जुन २१ मा रिलिज भएको यस फिल्मले एकपटक शाहिदको करिअरमा थप उचाई थपेको थियो ।
यस फिल्म प्रदर्शनमा आउनुभन्दा पहिले विभिन्न आलोचना खेपेको थियो भने फिल्मले बक्स अफिसमा यति भारी रकम कमाई गर्छ भन्ने सायदै कसैले पनि कल्पना गरेका थिएनन् होला । तर फिल्मले सबैको बोली बन्द गरिदियो ।
यो फिल्म शाहिदको करिअरमै सबैभन्दा सफल फिल्म पनि बनेको छ । तर तपाइलाई सुन्दा अचम्म लाग्न सक्छ, यो फिल्ममा शाहिद पहिलो रोजाइको रुपमा थिएनन् । यस फिलमको लागि पहिले अर्जुन कपुरलाई प्रस्ताव गरिएको थियो ।
तर उनले केही कारणहरु देखाउँदै फिलमबाट हात झिके । उनले एक समारोहमा फिल्मबाट हात झिक्नुको कारण पनि बताएका छन् । फिल्म ‘मुबारकाँ’को निर्माताले अर्जुन रेड्डीको राइट्स अर्जुनलाई ध्यानमा राख्दै खरिद गरेका थिए तर फिल्मको निर्देशक सन्दीपले भने शाहिदसँग भेट गरे ।
जसकारण अर्जुनले आफूले गर्दा अन्यको सम्बन्धमा आँच नआओस भन्दै फिल्मबाट हात झिकेको प्रस्ट पारेका छन् । तर अर्जुनले लगातार फ्लप फिल्महरु दिइरहेका छन् ।
उनको करिअर नै धरापमा परेको छ । यदि उनले ‘कवीर सिंह’मा काम गरेको भए उनको करिअरमा सफलता मिल्थ्यो की ?
