एजेन्सी । बलिउड अभिनेता शाहिद कपुर र उनकी श्रीमती मीरा राजपूतले मुम्बईमा नयाँ अपार्टमेन्ट किनेका छन् । यस लक्जरी अपार्टमेन्टको मूल्य करिब ६० करोड रुपैयाँ छ ।
दम्पतीको यो अपार्टमेन्ट वर्लीको ओबेरोय ३६० वेस्ट प्रोजेक्टको हिस्सा हो । यो ५,३९५ वर्ग फिटमा फैलिएको छ, तीन पार्किंग स्थानहरुसहित ।
रिपोर्टका अनुसार शाहिद र मीराले मे २४ मा आफ्नो अपार्टमेन्ट दर्ता गरेका छन् । यससँगै दम्पतीले १ करोड ७५ लाखको स्ट्याम्प शुल्क पनि तिरेका छन् ।
यो जोडीको अपार्टमेन्ट ओबेरोय रियल्टीले बनाएको भवनको सबैभन्दा अग्लो तल्लामा अवस्थित छ । दुवैले चण्डक रियल्टर्स प्राइभेट लिमिटेडबाट खरिद गरेका हुन् ।
यसअघि २०१८ मा पनि शाहिदले सोही भवनमा अपार्टमेन्ट किनेका थिए । उक्त अपार्टमेन्टको मूल्य ५५.६० करोड रुपैयाँ थियो । यसका लागि उनले २ करोड ९१ लाख रुपैयाँ स्ट्याम्प शुल्क तिरेका थिए ।
कामको कुरा गर्दा शाहिदको अघिल्लो फिल्म ‘तेरी बातों मे ऐसा उल्झा जिया’ बक्स अफिसमा सफल भएको थियो । अहिले उनी ‘देवा’ को सुटिङमा व्यस्त छन् । यसमा उनको अपोजिट अभिनेत्री पूजा हेगडे हुनेछिन् ।
