काठमाडौँ । सहकारीको अपचलनमा जोडिएका उपप्रधान तथा गृहमन्त्री रवि लामिछानेको निलम्बन माग गर्दै सर्वोच्च अदालतमा रिट दर्ता भएको छ ।
सोमबार अधिवक्ता अनुपम भट्टराईले लामिछानेविरुद्द रिट निवेदन दर्ता गराएका हुन् । भट्टराईले महान्यायाधिवक्ता कार्यालय, महान्यायाधिवक्ता दिनमणि पोखरेल र गृहमन्त्रीलाई विपक्षी बनाएर रिट दायर गरेका छन् । उक्त रिटको जेठ १६ गते पेशी तोकिएको छ ।
महान्यायाधिवक्ता कार्यालयले गृहमन्त्रीमाथि कुनै पनि मुद्दामा कुनै पनि अदालतमा अभियोजन नभएको भन्दै पत्र लेखेको थियो।
सो पत्र खारेजी गर्न माग गरिर्दै रिट गरिएको छ । यसअघि उक्त रिट दरपिठ भएको थियो ।
