काठमाडौँ । प्रतिनिधिसभाको बैठक दोस्रो पटक पनि स्थगित भएको छ ।
आइतबार बिहान ११ बजेका लागि बोलाइएको बैठक सूचना टाँस गरेर दिउँसो २ बजेसम्मका लागि सारिएको थियो । संसदीय छानबिन समितिका लागि कार्यविधि तय गर्ने विषयमा सत्तापक्ष दल र प्रमुख प्रतिपक्षी दलबिच कुरा नमिल्दा बैठक पुन: साढे ४ बजेलाई सारिएको हो ।
सहकारी प्रकरणमा संसदीय छानबिन बनाउँदा त्यसको कार्यविधिमा गृहमन्त्री रवि लामिछानेको नाम राख्ने कि नराख्ने भन्ने बारेमा दलहरुबिच सहमति जुट्न सकेको छैन ।
सहमति जुटाउन सिंहदरबारमा सत्तारुढ दल र प्रमुख प्रतिपक्षी दलबिच दोस्रो चरणमा छलफल भइरहेको छ ।
