पोखरा । गण्डकी प्रदेशका मुख्यमन्त्री खगराज अधिकारीले मन्त्रिमण्डल विस्तार गरेका छन् । आइतबार विश्वासको मत लिएका उनले भोलिपल्टै मन्त्रिमण्डल विस्तार गरेका हुन् ।
मुख्यमन्त्री अधिकारीले एमालेबाट दुई मन्त्री थप गरेका छन् । कास्कीका वेदबहादुर गुरुङ र स्याङ्जाकी सीता सुन्दास मन्त्री नियुक्त भएका छन् । दुवैजना यसअघि अधिकारी पहिलोपटक मुख्यमन्त्री बन्दा पनि मन्त्री बनेका थिए ।
गुरुङले ऊर्जा र सुन्दासले सामाजिक विकास तथा स्वास्थ्य मन्त्रालयको जिम्मेवारी पाएका छन् ।
मुख्यमन्त्री अघिकारीले यसअघि नेकपा माओवादी केन्द्रबाट हरिबहादुर चुमानलाई अर्थमन्त्री र राजीव गुरुङ (दीपक मनाङे)लाई भौतिक पूर्वाधार विकास तथा यातायात व्यवस्था मन्त्री नियुक्त गरिसकेका छन् ।
