चैनपुर । बझाङ–१ प्रदेशसभा (क) मा भएको प्रदेशसभा सदस्य निर्वाचनमा नेकपा एमालेका उम्मेदवार दमन भण्डारी विजयी भएका छन् ।
उनले नेपाली कांग्रेसका अभिषेकबहादुर सिंहलाई पराजित गरे । एमालेका भण्डारी ११६१२ मतसहित विजयी भएका हुन् । कांग्रेसका सिंहले ११३४३ मत ल्याए । दुईजनाबीचको मतान्तर २६६ रहेको छ ।
यस्तै, नेकपा (माओवादी केन्द्र)का जनकबहादुर बुढाले ३८३१ मत ल्याउँदा नेकपा एसका दिलबहादुर सिंहले २५१४ मत प्राप्त गरे ।
बझाङ प्रदेशसभा (क)मा भएको उपनिर्वाचनमा ४९ दशमलव १२ प्रतिशत अर्थात् ३० हजार तीन सय २८ मत खसेको थियो । उपनिर्वाचनमा ११ उम्मेदवारले चुनावी प्रतिष्पर्धामा भाग लिएका थिए ।
