एजेन्सी । आईपीएल २०२४मा आज डबल हेडर खेलिनेछ। आजको पहिलो खेल गुजरात टाइटन्स (जीटी) र रोयल च्यालेन्जर्स बेंगलुरु (आरसीबी) बीच हुनेछ।
खेल गुजरातको घरेलु मैदान अहमदाबादस्थित नरेन्द्र मोदी स्टेडियममा अुन लागेको खेल नेपाली समयअनुसार दिउँसोको ३:४५ बजेबाट सुरु हुनेछ । दुवै टोली यो सिजन पहिलो पटक आमनेसामने हुँदैछन् ।
दोस्रो खेल चेन्नई सुपर किंग्स र सनराइजर्स हैदरावादबीच एमए चिदम्बरम स्टेडियममा बेलुका ७:४५ बजे हुनेछ।
हेड टु हेडमा गुजरात अगाडि
आईपीएलमा गुजरात र बेंगलुरुबीच कुल ३ खेल खेलिएका छन् । जसमा गुजरातले २ खेल जितेको छ भने बेंगलुरुले
एक खेल जितेको छ ।
सुदर्शन जीटीका सर्वाधिक रन स्कोरर
गुजरातले आज आफ्नो १० औं खेल खेल्दैछ । टोली ९ खेलबाट ४ जित र ५ हारसहित ८ अंकसहित ७ नम्बरमा छ । टोलीका ब्याट्सम्यान साई सुदर्शन उत्कृष्ट फर्ममा छन् । सुदर्शनले टोलीको लागि सर्वाधिक रन बनाएका छन् । उनले ९ खेलमा ३ सय ३४ रन बनाएका छन् । मोहित शर्मा १० विकेट लिएर सर्वाधिक विकेट लिने बलर बनेका छन् ।
कोहली आरसीबी र सिजन दुवैमा सर्वाधिक रन स्कोरर
आज बेंगलुरु सिजनको १० औं खेल खेल्दैछ । आरसीबीले पछिल्लो ९ खेलमध्ये २ मात्रै जित्न सकेको छ । ७ पराजयपछि ४ अंकसहित अंक तालिकाको पुछार १० औं स्थानमा छ । बेंगलुरुका पूर्व कप्तान विराट कोहली टोली र सिजन दुवैको सर्वाधिक रन स्कोररहुन्। यश दयाल टीमको लागि सर्वाधिक विकेट लिने खेलाडी हुन् ।
गुजरात टाइटन्सको सम्भावित प्लेईङ ११:
शुभमन गिल (कप्तान), ऋद्धिमान साहा (विकेटकिपर), डेभिड मिलर, अजमातुल्लाह ओमरजाई, राहुल तेवाटिया, शाहरुख खान, राशिद खान, साई किशोर, नूर अहमद, मोहित शर्मा, र सन्दीप वारियर।
ईम्प्याक्ट प्लेयर: साई सुदर्शन।
रोयल च्यालेन्जर्स बैंगलोरको सम्भावित प्लेईङ ११:
फाफ डु प्लेसिस (कप्तान), विराट कोहली, रजत पाटीदार, विल ज्याक, क्यामरुन ग्रीन, दिनेश कार्तिक (विकेटकिपर), महिपाल लोमरर, कर्ण शर्मा, लोकी फर्गुसन, मोहम्मद सिराज र यश दयाल।
इम्प्याक्ट प्लेयर: स्वप्निल सिंह।
