काठमाडौँ । गण्डकी प्रदेश सरकार गठनसम्बन्धी मुद्दा हेर्दाहेर्दैमा राखिएको छ ।
कांग्रेस गण्डकीका संसदीय दलका नेता सुरेन्द्रराज पाण्डेले सर्वोच्च अदालतमा दायर गरेको रिटको सुनुवाइ नसकिएकाले मुद्दा हेर्दाहेर्दैमा राखिएको हो ।
मुख्यमन्त्रीनियुक्ति विरुद्ध परेको रिटमाथि सर्वोच्च अदालतका न्यायाधीशद्वय सपना प्रधान मल्ल र सारंगा सुवेदीको संयुक्त इजलासमा सोमबार सुनुवाइ भएको थियो । यसमाथि न्यायाधीशद्वय मल्ल र सुवेदीकै इजलासमा अर्को सुनुवाइ हुनेछ ।
एमाले संसदीय दलका नेता खगराज अधिकारीले सभामुखलाई समेत गणना गरेर मुख्यमन्त्रीमा दाबी पेस गरेको भन्दै मुख्यमन्त्री बनेपछि पाण्डेले रिट दायर गरेका थिए ।
