काठमाडौँ । त्रिदेवीनगर, कोटेश्वरस्थित हवाई विभागको स्वामित्वमा रहेको (भिओआर डिएमई) जग्गामा पलाएको नर्कटघारीमा आइतबार साँझ ६ बजेदेखि शुरु भएको आगलागी अहिले नियन्त्रणमा आएको छ ।
विद्युत सर्ट भएर आगलागी भएको अनुमान गरिएको सो आगलागी नियन्त्रणको लागि नेपाली सेना, काठमाडौँ र भक्तपुरका दमकलहरुले एक घण्टा लगाएर निभाएका थिए ।
कोटेश्वर चोक नजकिैको ट्राफिक प्रहरी प्रभागसंगै जोडिएको सो जग्गा नेपाली सेनाको हवाई ब्याट्री युनिटले सुरक्षा दिँदै आएको छ ।
आगलागीबाट जनधनको क्षति नभएतापनि सो ठाउँबाट स्थानीय त्रिदेवीनगरका सयौं वासिन्दाहरुले बोरिङ्ग गरेर ल्याएको पिउने पानीको लाइनहरु भने नष्ट भएको छ ।
