काठमाडौँ । पञ्जाब किंग्सलाई दोहोरो झट्का लागेको छ । टोलीले गएको खेल राजस्थान रोयल्ससँग खेलेको थियो, जसमा उसले हार बेहोरेको थियो । अहिले पञ्जाबका कप्तान शिखर धवनको बारेमा नराम्रो खबर आएको छ ।
राजस्थान रोयल्सविरुद्धको खेलमा धवन चोटका कारण टोलीबाट बाहिर भएका थिए । अब आएको नयाँ अपडेटले धवन एक खेल मात्र नभई अर्को केही खेलबाट बाहिरिने देखाएको छ ।
धवनको अनुपस्थितिमा राजस्थान विरुद्ध पञ्जाब किंग्सको कमाण्ड साम करनले लिएका थिए । धवनको चोटको बारेमा, पञ्जाब किंग्सका क्रिकेट विकास प्रमुख सञ्जय बांगरले भने, ‘हामीले उनलाई मिस गर्यौं किनभने उनको काँधमा चोट थियो । त्यसैले म भन्छु कि उनी अबका केही खेलहरु बाहिर रहन सक्छन् । हामीले कुर्नुपर्छ र उनले उपचारमा कस्तो प्रतिक्रिया दिन्छ भनेर हेर्नुपर्छ, तर अहिले यस्तो देखिन्छ कि उनी अर्को ७ देखि १० दिनसम्म बाहिर हुन सक्छन् ।’
अबको १० दिनभित्र पञ्जाबले आफ्ना दुवै खेल घरेलु मैदानमा मात्र खेल्नेछ । पहिलो खेल बिहीबार अप्रिल १८ मा मुम्बई इन्डियन्ससँग हुनेछ । यसपछि घरेलु मैदानमा पञ्जाबको अर्को खेल अप्रिल २१ मा आइतबार गुजरात टाइटन्ससँग हुनेछ ।
