काठमाडौँ । पूर्वमन्त्री तथा जनमत पार्टीका उपाध्यक्ष अब्दुल खान सवार गाडी दुर्घटनामा परेको छ । काठमाडौंबाट चितवन जाँदै गरेको बिएसी २७३५ नम्बरको गाडी धादिङको कृष्णभिरमा दुर्घटना भएको हो ।
उपाध्यक्ष खानसहित गाडीमा चारजना सवार थिए । अर्को गाडी जोगाउन खोज्दा उनी सवार गाडी भित्तामा ठोक्किएको बताइएको छ । दुर्घटनामा खानसहित गाडीमा सवार चारैजना सामान्य घाइते भएका छन् ।
उनीहरूको मलेखु राजमार्ग सामुदायिक अस्पतालमा उपचारपछि काठमाडौंको ट्रमा सेन्टर रेफर गरिएको छ ।
