काठमाडौं । मेडिकल उपकरण खरिदमा अनियमितता गरेको अभियोगमा अख्तियार दुरुपयोग अनुसन्धान आयोगले मेडिकल व्यवसायी विशाल पण्डितलगायत ६ जना विरुद्ध भ्रष्टाचार मुद्दा दायर गरेको छ ।
आयोगले हस्पिटेक इन्टरप्राइजेज प्रालिका सञ्चालक विशाल पण्डित, कोशी प्रदेशको प्रदेश आपूर्ति व्यवस्थापन केन्द्र विराटनगरका बायोमेडिकल इञ्जिनियर कुशल दाहाल, स्वास्थ्य निर्देशनालय धनकुटाका तत्कालीन निर्देशक चन्द्रदेव मेहता, हस्पिटेक इन्टरनेशनलका बजार व्यवस्थापक मनोजकुमार आचार्य, खोप अधिकृत उदेशकुमार श्रेष्ठविरुद्ध मुद्दा दायर गरेको हो ।
उनीहरुले कोरोना महामारीका बेलामा कोशी प्रादेशिक अस्पतालमा स्वास्थ्य उपकरण खरिदका क्रममा भ्रष्टाचार गरेको ठहर गरि अख्तियारले भ्रष्टाचार मुद्दा दर्ता गरेको छ । साथै, उनीहरुविरुद्ध दुई करोड ८९ लाख रूपैयाँ बिगो मागदाबी समेत गरेको छ ।
