काठमाडौं । सरकारले पेट्रोलियम पदार्थको मूल्य समायोजन नगरे गाडीको भाडा बढाउने यातायात व्यवसायीले चेतावनी दिएका छन्।
नेपाल यातायात व्यवसायी राष्ट्रिय महासघंका महासचिव सरोज सिटौलाले सरकारलाई बुझाउनु पर्ने राजश्व, किस्ता, पार्टपुर्जा र लुब्रिकेन्टको शुल्कसमेत बुझाउन नसक्ने अवस्थामा बारम्बार इन्धनको मूल्य बढाएकाले गाडीको भाडा बढाउन बाध्य हुने बताएका हुन् ।
फागुन ८ गतेसम्म पेट्रोलियम पदार्थको मूल्य वृद्धि फिर्ता नभए आफैंले भाडा बढाउँने नभए आन्दोलनमा उत्रिए बताएका छन् । बिहीबारदेखि लागू हुने गरी नेपाल आयल निगमले खाना पकाउने ग्यास र पेट्रोलियम पदार्थको मूल्य बढाएको थियो।
निगम सञ्चालक समिति बैठकले डिजेल, पेट्रोल र मट्टितेलको मूल्य प्रतिलिटर दुई रुपैयाँ बढाएसंगै उपत्यकामा पेट्रोलको मूल्य प्रतिलिटर ११२, डिजेल तथा मट्टितेलको ९५ रुपैयाँ पर्नेछ।
त्यस्तै खाना पकाउने एलपी ग्यासको मूल्य प्रतिसिलिन्डर २५ रुपैयाँले बढेसंगै प्रतिसिलिन्डर मूल्य १ हजार ४ सय रूपैयाँ कायम भएको छ।
