काठमाण्डौ । ट्राफिक प्रहरी प्रभाग कोटेश्वरका प्रमुख, प्रहरी निरीक्षक आइतबार ‘क्रियशन ड्राइभिङ्ग स्कुल’ मनोहरा फाँट लोकन्थली—जडिबुटीमा सवारी साधन चलाउन सिक्दै गरेका प्रशिक्षार्थीहरुलाई सवारी नियमबारे प्रशिक्षण दिन पुगे ।
‘क्रियशन ड्राइभिङ्ग स्कुल’ले आफ्नो स्कुलमा सवारी साधन चलाउन सिक्दै गरेका प्रशिक्षार्थीहरुको लागि आयोजना गरेको प्रशिक्षण कार्यक्रममा ट्राफिक प्रहरी प्रभाग कोटेश्वरका प्रहरी निरीक्षक अच्युत गिरी त्यहाँ पुगेका हुन् ।
‘क्रियशन ड्राइभिङ्ग स्कुल’का प्रवन्ध सञ्चालक दिपक तामाङ्गका अनुसार यसअघि सो स्कुलका प्रशिक्षक (गुरु) हरुलाई सम्वन्धित विज्ञ र ट्राफिक प्रहरी अधिकारीबाट प्रशिक्षण दिइसकेको छ भने सवारी साधन चलाउन सिक्ने शिकारुहरुलाई ट्राफिक प्रहरी अधिकृतबाट पहिलोपटक यसप्रकारको ज्ञान दिइएको हो ।
ड्राइभिङ्ग स्कुलमा सैद्धान्तिक र प्रयोगात्मक शीप सिकेपछि सडकमा सवारी साधन चलाउँदा अपनाउनुपर्ने सावधानी र ट्राफिक अनुशासनबारे प्रशिक्षार्थीहरुलाई ट्राफिक प्रहरी निरीक्षक गिरीले प्रशिक्षण दिएका थिए ।
सवारी साधन चलाउन सिक्दै गरेको बेलामा ट्राफिक अनुशासन र सावधानीबारे सिकाउँदा उनीहरु सवारी चालक भएपछि हुनसक्ने सवारी दुर्घटनामा कमी हुने ट्राफिक प्रहरी निरीक्षक गिरीको दावी छ ।
यातायात व्यवस्था विभागले लिने सवारी चालक अनुमतिपत्र (लाइसेन्स) को ट्रायल परीक्षामा प्रयोग गरिने मोडेलका अल्टो कार, सुपर स्प्लेण्डर मोटरसाइकल र प्लेजर स्कुटरबाट प्रशिक्षण दिँदै आएको क्रियशन ड्राइभिङ्ग स्कुल १० वर्षदेखि सुविधानगर, तिनकुनेमा र ४ वर्षदेखि मनोहरा प्लानिङ्ग लौहकिल्थली—जडिबुटीमा सञ्चालित रहेको प्रवन्ध सञ्चालक तामाङ्गले बताए ।
