काठमाडौं । नेपाल समाजवादी पार्टी (नेसपा)ले माओवादी केन्द्रसँगको पार्टी एकता खारेज गरेको छ ।
आइतबार अध्यक्ष बाबुराम भट्टराईको अध्यक्षतामा बसेको केन्द्रीय कार्यकारिणी समितिको बैठकले माओवादीसँगको एकता खारेज गर्ने निर्णय गरेको हो ।
पार्टिका अर्का अध्यक्ष महिन्द्रराय यादव पक्षले शनिबार माओवादी केन्द्रसँग एकता गर्ने सहितका चार बुँदे सहमति गरेको थियो ।
यस्तै, बैठकमा सहभागी नहुने केन्द्रीय सदस्यलाई पदमुक्त गरिने केन्द्रीय कार्यकारिणी समिति सदस्य कृष्ण शर्माले जानकारी दिए । नेसपाको विधानमा केन्द्रीय कार्यकारिणीमा ३५ जनाको व्यवस्था भए पनि हाल २९ जना रहेका र त्यसमध्ये आइतबारको बैठकमा २० जना सहभागी रहेका उनले बताए । ‘केही साथीले माओवादीसँग एकता गरेको भनेर निकालेको विज्ञप्ति पार्टीको निर्णय अनुसार होइन । हाम्रो पार्टीको एकता संयोजन समितिको संयोजकको पनि उपस्थिति छैन । त्यसैले स्वत: खारेजभागी छ ’, उनले भने ।
