काठमाडौं । सुनको अवैध पैठारी (तस्करी) नियन्त्रण सम्बन्धी जाँचबुझ आयोगको प्रतिवेदन कार्यन्वयनका बारेमा छलफल गर्न मन्त्रीपरिषद्को बैठक बस्दैछ ।
बैठक साँझ ५ बजे का लागि बोलाईएको छ । आयोगले हिजो उपप्रधान एवं गृहमन्त्री रवि लामिछानेलाई प्रतिबेदन बुझाएको थियो । लामिछाने सिआईबीको अनुसन्धान अपुरो रहेको भन्दै पुन अनुसन्धान गर्नुपर्ने बताउनु भएको छ । उहाँले सो प्रतिबेदन प्रधानमन्त्री पुष्पकमल दाहाललाई बुझाउनु भएको छ ।
प्रतिवेदन बुझ्दै प्रधानमन्त्री पुष्पकमल दाहालले, कसैको दबाब र प्रभावमा नपरी प्रक्रियाअनुसार प्रतिवेदन कार्यान्वयनको ग्यारेन्टी गर्न, जुनसुकै दोषीलाई उन्मुक्ति नहुने र निर्दोष नफस्ने वातावरण बनाउन र प्रतिवेदनले औंल्याएका सुधारका पक्षमा पनि तत्काल काम अगाडी बढाउन उपप्रधान एवं गृहमन्त्रीलाई निर्देशन दिनुभयो। प्रधानमन्त्रीको निर्देशनपछि मन्त्री लामिछानेले प्रतिवेदन कार्यान्वयनबारे आन्तरिक परामर्श थाल्नुभएको छ।
