एजेन्सी । विकेटकिपर ब्याट्सम्यान दिनेश कार्तिकले आईपीएल २०२४ पछि अन्तर्राष्ट्रिय क्रिकेट र आईपीएलबाट सन्यास लिन सक्ने बताईएको छ । कार्तिकले आफ्नो अन्तिम सिजन रोयल च्यालेन्जर्स बैंग्लोरबाट आईपीएल खेल्ने छन् । आरसीबीले उनलाई २०२२ को मिनी अक्सनमा ५.५ करोडमा किनेको थियो।
भारतीय विकेटकिपर ब्याट्सम्यान जुनमा ३९ वर्ष पुग्नेछन् । उनी आइपिएलको अन्तिम सिजनका लागि तयार छन् । यसपछि उनले आईपीएल र अन्तर्राष्ट्रिय क्रिकेटबाट सन्यास लिन सक्ने भारतीय सञ्चारमाध्यम दैनिक भास्करले लेखेको छ । कार्तिकले भारतका लागि आफ्नो अन्तिम अन्तर्राष्ट्रिय खेल जुलाई २०२२ मा बंगलादेश विरुद्ध टी-२० विश्वकपमा खेलेका थिए ।
कार्तिक ती सात खेलाडीमध्ये पर्छन् जो अहिलेसम्म आईपीएलका सबै सिजन (१६) को हिस्सा भइसकेका छन् । सन् २००८ मा आईपीएल सुरु भएदेखि नै उनले रोहित शर्मा, विराट कोहली, शिखर धवन, महेन्द्र सिंह धोनी, ऋद्धिमान साहा र मनिष पाण्डेसँग खेल्दै आएका छन् ।
कार्तिकले आइपिएलको १६ सिजनमा अहिलेसम्म दुई खेल मात्र गुमाए । उनले आफ्नो पहिलो सिजन कोलकाता नाइट राइडर्सविरुद्ध खेलेका थिएनन्। गत वर्ष अर्थात २०२३ मा भएको दोस्रो खेलमा सनराइजर्स हैदरावादविरुद्धको लिग खेलबाट बाहिरिएको थियो ।
कार्तिक आईपीएलका ६ वटा टिमको हिस्सा भइसकेका छन् । उनले दिल्ली डेयरडेभिल्सबाट आईपीएलमा करियर सुरु गरेका थिए । उनले किंग्स इलेभेन पञ्जाब, मुम्बई इन्डियन्स, गुजरात लायन्स, कोलकाता नाइट राइडर्स र रोयल च्यालेन्जर्स बैंग्लोरबाट खेलिसकेका छन्। यस अवधिमा उनले खेलेका २४० खेलमा २६ को औसतमा ४५१६ रन बनाए । जसमा उनले २० अर्धशतक बनाएका छन् । विकेटको पछाडि रहँदा १३३ खेलाडीलाई प्याभिलियनको बाटो देखाइएको थियो । जसमा ३६ स्टम्पिङ पनि समावेश छन् ।
