काठमाडौं । शक्ति बाँडफाँटमा सहमति जुटाउन नयाँ गठबन्धनको दोस्रो बैठक जारी रहेको छ । प्रधानमन्त्रीको सरकारी निवास बालुवाटारमा बैठकमा एमाले, माओवादी, रास्वपा र जसपाको शिर्ष नेताको उपस्थिती रहेको छ ।
बैठकमा लिखित सहमति हुने र मन्त्री, मन्त्रालय, प्रदेश नेतृत्वको सम्मको भागबन्डा सहमतिमा हुने बताईएको छ । छलफलमा प्रधानमन्त्री प्रचण्डसहित एमाले अध्यक्ष केपी शर्मा ओली, रास्वपा सभापति रवि लामिछाने, स्वर्णिम वाग्ले र जसपा अध्यक्ष उपेन्द्र यादव, वर्षमान पुन, नारायणकाजी श्रेष्ठ, विष्णु पौडेल र राजेन्द्र श्रेष्ठ सहभागि छन् ।
प्रधानमन्त्रीले आज नयाँ मन्त्रिपरिषद् पुनर्गठन गर्दैछन् । सोमबार बिहान बसेको बैठकको सहमतिअनुसार एमाले, रास्वपा र माओवादीबाट एक–एक मन्त्रीले आजै शपथ खाँदैछन् ।
यसअघि भागबन्डाका लागि चारवटै दलका नेताहरू सम्मिलित कार्यदल बनिसकेको छ । जसमा एमालेका उपाध्यक्ष समेत रहेका विष्णु पौडेल, माओवादीका उपमहासचिव वर्षमान पुन, रास्वपाका सभापति रवि लामिछाने र जसपा अध्यक्ष उपेन्द्र यादव रहेका छन् ।
