काठमाडौं । राष्ट्रपति रामचन्द्र पौडेल वरिष्ठ गायक तथा सङ्गीतकार भक्तराज आचार्यको निधनप्रति दुस्ख व्यक्त गर्नुभएको छ ।
राष्ट्रपति पौडेल वरिष्ठ गायक तथा संगीतकार एवं भजन शिरोमणीको उपाधिबाट समेत प्रसिद्ध भक्तराज आचार्यको निधनको खबरले स्तब्ध भएको जनाउनु भएको छ ।
उहाँले दु:खको यस घडीमा स्वर्गीय आचार्यप्रति हार्दिक श्रद्धान्जली प्रकट गर्दै शोकाकुल परिवारजनमा गहिरो समवेदना व्यक्त गर्नुभएको छ । गायक तथा सङ्गीतकार आचार्यको आज अपराह्न ८२ वर्षको उमेरमा निधन भएको थियो ।
